«Нюэллс Олд Бойз» Кейлор Навас билан шартнома имзолаганини эълон қилди.

38 ёшли дарвозабон Аргентина клуби билан 2025 йил 31 декабргача мўлжалланган шартнома имзолади.

Аввалроқ «Реал»да ўйнаган коста-рикалик дарвозабон ўтган ёздан бери, яъни «ПСЖ»дан кетганидан буён эркин агент бўлиб турганди.

Хабар қилинишича, Навас трансфер олдидан ўша ерда туғилган ва фаолиятини «қизил-қоралар» академиясида бошлаган «Интер Майами» ҳужумчиси Лионел Мессидан Росарио шаҳри ҳамда «Нюэллс Олд Бойз» ҳақида сўраган.