«Барселона» бош мураббийи Ҳанси Флик ЕЧЛ 7-туридан ўрин олган «Бенфика»га (5:4) қарши ўйиндан сўнг ўз фикрлари билан ўртоқлашди. 

«Ақлдан оздирадиган ўйин бўлди. Энг ижобий жиҳат — биз кўрсатган характер. Камбэк қилдик ва бу жуда ажойиб. Бу футбол ва шунинг учун биз уни яхши кўрамиз.

Ҳеч қачон бундай камбэкни бошдан кечирмаганман, деб ўйлайман. Бу — ақл бовар қилмайдиган нарса.

Биринчи бўлимда унчалик яхши ўйнамадик. Рақиб ўтиш чизиқларида жуда кучли бўлди ва улар биринчи голни уришди. Бироз чуқур ҳимояланишимиз керак эди. Нотўғри позицияларда эдик. Иккинчи бўлимда яхшироқ кўриндик. Ўзгартиришлар бизга бу камбэкка катта ёрдам берди.

Шесни? Қайси футболчи хато қилмайди? Бу — нормал ҳолат, биз бирга ғалаба қозонамиз ва бирга мағлуб бўламиз. Гап фақат бир футболчида эмас. 

Менталитет... Баъзида шундай ўйнашга тўғри келади. Иккинчи бўлимда кўрганларим менга ёқди.

«Валенсия» ва «Аталанта»га қарши ўйинларга эътибор қаратиш жуда муҳим. Дам оламиз, деб ўйламанг», — дея германиялик мутахассиснинг сўзларини келтиради Marca.