«Ливерпул»нинг икки футболчиси жароҳати сабаб жамоасига ёрдам бера олмайди.

Диогу Жота 14 январ куни «Ноттингҳем Форест»га қарши ўйинда (1:1) жароҳат олган бўлса, Жо Гомес 29 декабрдан бери майдонга тушмаяпти.

«Жота ва Гомес бир неча ҳафтага сафдан чиққан. Жота Жога қараганда бироз эртароқ сафга қайтиши мумкин. 

Аввал ҳам кўп марта айтганман – тикланиш жараёнининг охирги босқичи энг қийин бўлади. Баъзан тикланиш бир неча кунга чўзилиши мумкин, баъзан эса йўқ.

Аниқки, уларнинг яқин ҳафталарда қайтишини кутяпмиз», – деди «Ливерпул» бош мураббийи Арне Слот. 

Маълумот учун, «Ливерпул» бугун, 21 январ оқшомида ЕЧЛ доирасида «Лилл»ни қабул қилади. Ўйин соат 01:00да бошланади.