Луис Энрике Андре «Зенит» футболчисига айланди.

Санкт-Петербург клуби «Ботафого» вингери билан шартнома имзолаганини эълон қилди. Шартнома «4+1» кўринишида тузилган.

Ўз навбатида «Зенит» яримҳимоячиси Артур Гимараэшни Рио-де-Жанейро жамоасига сотди. Шунингдек, Россия чемпионининг яна бир футболчиси Вендел ҳам ёзда «Ботафого»га қўшилади. 

Фабрицио Романонинг хабар беришича, Энрикенинг трансфери «Зенит»га 35 млн еврога тушган. Бу — Бразилия клуби тарихидаги энг қиммат сотув. 

Луис Энрике — «Флуминенсе» тарбияланувчиси, 23 ёшда. Бразилиялик футболчи 2022 йилда «Бетис»га ўтган ва шу йил бошида «Ботафого»да ўйнаш учун ватанига қайтганди. У Бразилия клуби билан Либертадорес Кубогини ютди ва мамлакат чемпионлигини қўлга киритди. 

Энрике миллий жамоада 6 ўйинда 2 та гол урган ва яна 1 та голли узатмани амалга оширган.