Ҳимоячи Виталий Денисов «СКА-Ростов» футболчисига айланди. Бу ҳақда медиалига клуби матбуот хизмати хабар берди. Клуб президенти Василий Вакуленко (Баста) бу трансферни катта муваффақият деб атади.

«Бу — ажойиб трансфер ва катта муваффақият. Биз ўзимизни сезиларли даражада кучайтирамиз», — дея Вакуленконинг сўзларини келтиради клуб матбуот хизмати.

Вакуленконинг фикрича, медиафутболда бундай ўйинчиларнинг борлиги бу ишнинг аҳамияти ва кўламини кўрсатади. 

Эслатиб ўтамиз, 37 ёшли Денисов бунгача «Днепр», «Локомотив», ЦСКА, «Криля Советов», «Рубин», ОКМК, «Сўғдиёна» ва «Бухоро» клубларида ўйнаган. «Локомотив» билан икки марта Россия Кубогини қўлга киритган, ЦСКА билан эса мамлакат чемпиони бўлган ва УЕФА Кубогини ютган. Ҳимоячи Ўзбекистон миллий жамоасида 72 та ўйин ўтказган.