Массимилиано Аллегри бир қатор жамоалар билан музокаралар олиб бормоқда.

Олдинроқ «Ал Аҳли» «Ювентус» собиқ мураббийига 2 йиллик шартнома ва бу муддатга 50 млн евро маош таклиф қилаётгани маълум бўлганди.

Corriere dello Sport хабарига кўра, бу саудияликларнинг италиялик мутахассисга биринчи марта мурожаат қилишлари эмас. Айни вақтда Аллегри Австралия очиқ чемпионатида бўлиб турган агенти Жованни Бранчинини кутмоқда.

Таъкидланишича, Саудия клубининг таклифи сўнгги ойларда олинган таклифларга қараганда анча жозибали кўринади. Мураббийга «Вест Ҳэм», БААнинг «Аш Шабоб»и ва Белгия миллий жамоаси ҳам таклиф берган, аммо Макс уларни рад этган. Шунингдек, Аллегри «Тоттенҳэм» хўжайини Дэниэл Леви билан ҳам гаплашган.

Манбага кўра, агар «Ал Аҳли» билан шартнома тузилса, у ёздан кучга киради.