Дани Себаллос Диего Симеоненинг ҳакамлик ҳақидаги сўзларига киноя билан жавоб қайтарди. 

«Реал»нинг Испания Кубогида «Селта» устидан қозонган ғалабасидан сўнг (5:2) «Атлетико» бош мураббийи ўйиндаги ҳакамларнинг қарорларидан норозилигини билдирганди: «Бу 100 йилдан бери содир бўлмоқда. Одамлар нега ҳайратланаётганини билмайман». 

«Симеоненинг сўзлари? Менимча, у Чемпионлар Лигасининг иккита финалида «Реал»га мағлуб бўлганидан бери ҳалигача ўзига келмади.

Ҳар кимнинг ўз фикри бор ва биз ишлашда давом этишимиз керак.  Бугунги ғалабадан роҳатланинг», — деди «Реал» яримҳимоячиси «Лас-Палмас» билан ўйиндан сўнг (4:1).

Симеоне бошчилигидаги «Атлетико» Чемпионлар Лигаси финалида икки марта – 2013/14 ва 2015/16 йилги мавсумларда «Реал» билан тўқнаш келиб, ҳар иккисида ютқазган.