Рубен Аморим тарихдаги энг ёмон «Манчестер Юнайтед»ни бошқараётганини тан олди.

Манкунианликлар АПЛ 22-турида ўз уйида «Брайтон»га (1:3) мағлуб бўлишди. 

«Яна уйда мағлуб бўлдик. Буни қабул қилиш мумкин эмас. Барқарорлик йўқ. 

Премер-лигадаги 10 та ўйиндан 2 тасида ғалаба қозондик, биламан. Бу натижа «Манчестер Юнайтед» мухлислари учун, мен учун қандай эканлигини тасаввур қилинг. Янги мураббий келади ва олдингисидан кўпроқ ютқазади. Буни тасаввур қилинг.

Биз бу вазиятдан омон чиқишимиз керак. Ҳа, биз «Манчестер Юнайтед» тарихидаги энг ёмон жамоамиз. 

Биламан, сизга сарлавҳалар керак, лекин мен буни айтяпман, чунки биз буни тан олишимиз ва вазиятни ўзгартиришимиз керак.

Менда ҳаммаси оддий, футболга бўлган қарашимни ўзгартирмайман. Буни тўғридан-тўғри айтаман.

Футболчилар қийналиши керак. Мухлислар ҳам қийналиши керак. Менда маълум бир ёндашув бор ва бу натижа келтиришини биламан. Аммо биз бунга чидашимиз керак», — дея португалиялик мутахассиснинг сўзларини келтиради The Athletic.