Хвича Кварацхелия «ПСЖ»га трансфери амалга ошгач, дастлабки таассуротлари ҳақида гапирди. 

«ПСЖ» либосини кийиш мен учун катта шараф. Дунёнинг энг буюк жамоаларидан бирида ўйнаш орзум эди. Бу катта фахр ва шараф, биз биргаликда орзуларимизни рўёбга чиқариш учун курашамиз. Жуда бахтиёрман.

Нега бу клубни танладими? Клуб лойиҳасига мени ишонтиришди. Клубнинг нимага интилаётгани ва бу йўлда қандай ишланаётганини яхши биламан. Бу клубда буюк ўйинчилар тўп сурган, Парижга келиш имконияти туғилганида кўп ўйлаб ўтирмадим.

Луис Энрике? У жаҳоннинг энг яхши мураббийларидан бири. У билан ишлаб кўп нарса ўрганишимни биламан. Луис Энрике каби мураббий қўл остида ўйнаш жуда катта қувонч», - дейди грузиялик вингер.

Аввалроқ, Хвича 70 млн евро эвазига «Наполи»дан Париж клубига ўтгани, унинг Франциядаги маоши Италиядаги маошидан 5 баравар кўп бўлиши ҳақида хабар қилинганди.