Оле-Гуннар Сулшер мураббийлик фаолиятини Туркияда давом эттирадиган бўлди.

«Бешиктош» клуби расмий сайти норвегиялик мутахассис жамоа бош мураббийига айланганини эълон қилди. Томонлар 2026 йилга қадар шартнома имзолаган. 

51 ёшли мураббий жамоанинг «Самсунспор»га қарши ўйинини (18 январ) трибунадан кузатиши ва Европа Лигаси доирасидаги «Атлетик» билан баҳсгача (22 январ) ишга киришиши кутилмоқда.

Маълумот учун, Туркия чемпионатининг 18-туридан кейин «Бешиктош» пешқадам «Галатасарой»дан 20 очкога ортда қолиб, 6-ўринда бормоқда. 

Сулшер 2021 йилда «Манчестер Юнайтед»дан истеъфога чиқарилганидан кейин ишлагани йўқ.