Неймар Килиан Мбаппе билан «ПСЖ»даги муносабатлари ҳақида гапирди. У франциялик ҳужумчи билан ўртасида можаро бўлганини ҳам тан олди.

«Мбаппе билан ўз тарихимиз бор. Ҳа, жамоага келганимда бизда кичик бир можаро бўлган ва бу ўзаро муносабатимизда муҳим аҳамиятга эга бўлган. Мен уни «Олтин бола» (Golden Boy) деб атардим. У билан илк марта бирга ўйнаганимдаёқ Килианга дунёнинг энг яхши футболчиларидан бири бўлишини айтганман. Мен доимо унга ёрдам берганман, у билан кўп суҳбатлашардик, Мбаппе уйимга кўп келган, кечки овқатни бирга қилганмиз.

«ПСЖ» ҳужум чизиғида тандем сифатида яхши мавсумларимиз кўп бўлган, аммо Месси келганидан кейин Мбаппе негадир бироз ҳасад қила бошлаганди. Кейин эса гоҳида низолар юз бериб, хулқ-атвори ўзгара бошлаганини сезганман», – деди «Ал-Ҳилол» ҳужумчиси.

Эслатиб ўтамиз, Неймар «ПСЖ»даги 6 йиллик фаолиятидан кейин 2023 йилнинг ёзида 90 млн евро эвазига «Ал-Ҳилол»га кўчиб ўтганди.