Хвича Кварацхелия «Наполи» билан хайрлашди.

Вингер «ПСЖ»га ўтиши олдидан видео жойлаштирди.

«Бу мен учун қийин, лекин хайрлашиш вақти келди. Бу ерда ажойиб вақтлар ўтказдим, биз кўп лаҳзаларни баҳам кўрдик, унутилмас туйғуларни бошдан кечирдик. Неапол менинг уйим эди, сиздан миннатдорман. Мен ҳали ҳам бирга босиб ўтган саёҳатимиз ҳақида ўйлайман ва бу менга жуда кўп ҳис-туйғуларни беради.

Биринчи голни ва ўша ҳис-туйғуларни ҳеч қачон унутмайман. Сизнинг ушбу стадиондаги самимий эмоцияларингиз, ҳар доим ўзгача бўлган қўллаб-қувватлашлар — уйда ҳам, меҳмонда ҳам.

Неапол — футбол шаҳри, Неапол футбол билан яшайди ва мен бу буюк тарихнинг бир қисми бўлганимдан хурсандман. Бу ерда майдонда ҳам, унинг ташқарисида ҳам кўп нарсаларни ўргандим, футболчи ва шахс сифатида ўсдим. Бу либосни кийиш катта шараф эди.

Клубнинг барча ходимларига, мураббийларга, штабнинг ҳар бир аъзосига, шерикларим ва мухлисларга раҳмат айтмоқчиман. Хайр дейман, лекин сиз мангу юрагимдасиз. Сизни яна кўришга умид қиламан.

Биламан, қалбингиз синган, лекин бир кун келиб ҳаммасини айтиб бераман. Сизга муваффақиятлар тилайман. 

Мен бу ерга деярли ҳеч ким танимаган бола бўлиб келдим ва энди кўпчиликнинг меҳрини қозонган, кўплаб ғалабалар ва энг муҳими узоқ кутилган скудеттога эришган инсон сифатида кетяпман», — дейди грузиялик футболчи.