«Реал» бош мураббийи Карло Анчелотти Испания Кубоги 1/8 финалидан ўрин олган «Селта»га (5:2, асосий вақтда 2:2) қарши ўйиндан сўнг ўз фикрлари билан ўртоқлашди. 

«Изоҳлар оддий: ўйин деярли якунланганида биз иккита гол ўтказиб юбордик. Кейин жамоа қўшимча вақтда яхши ўйнади. 70-дақиқагача яхши ҳаракат қилдик, учинчи голни уришимиз мумкин эди ва бунга эришдик ҳам, аммо ўйиндан ташқари ҳолат туфайли бекор қилинди.

Қўшимча бўлимларни яхши ўтказдик, футболчиларнинг кайфияти ва қолган ҳамма нарса керакли даражада эди», — дея италиялик мутахассиснинг сўзларини келтиради Marca.