«Ювентус» «Витория Гимарайнш»нинг ўнг қанот ҳимоячиси Алберту Коштани ўз сафига қўшиб олди.

21 ёшли португалиялик ва «кекса синьора» ўртасида 2029 йилнинг ёзига қадар шартнома имзоланди.

«Ювентус» «Витория»га 4 йил давомида 12,5 млн евро тўлайди. Қўшимча харажатлар 1,3 млн еврони ташкил қилади. Шунингдек, 2,5 млн евро бонуслар ҳам бор. 

2024/2025 йилги мавсумда Алберту Португалия чемпионатида 10 та ўйин ўтказиб, 2 та голли узатмани амалга оширган.