«Ланс» клуби ҳимоячиси Абдуқодир Ҳусанов Франция чемпионатида мавсумнинг биринчи қисми якунларига кўра, рамзий жамоага киритилди.

Foot Mercato нашри эълон қилган Франция чемпионати 1-давра рамзий жамоасига «Ланс» клубдан Абдуқодир Ҳусанов ҳам киритилди.

Ўзбекистонлик ҳимоячидан ташқари, «ПСЖ»дан Усмон Дембеле, Ашраф Ҳакими, «Марсел»дан Мэйсон Гринвуд сингари ўйинчилар ҳам рамзий жамоадан ўрин олган.

Франция чемпионати 1-давра рамзий жамоаси: (Foot Mercato талқини)

Маълумот учун, Франция чемпионати 17-туридан кейин турнир жадвалида «ПСЖ» 43 очко билан пешқадамлик қилаётган бўлса, «Марсел» 36 очко билан 2-ўринда, «Монако» 31 очко билан 3-ўринда бормоқда. 27 очкога эга «Ланс» 7-ўриндан жой олган.