«Барселона» бош мураббийи Ҳанси Флик Испания Кубоги 1/8 финалидан ўрин олган «Бетис»га (5:1) қарши ўйиндан сўнг ўз фикрлари билан ўртоқлашди. 

«Бутун баҳс давомида ўйиндан завқ олдим. Якшанба кунги ғалабадан кейин (Испания Суперкубоги финалида «Реал» устидан 5:2) бугун қийин бўлиши мумкинлигини билардик, чунки реалликдан бироз узоқлашган бўлишимиз мумкин эди.

Лекин бугун жамоанинг менталитетини кўрдик. Футболчилар жуда профессионал, улар ҳар доим нима қилиш кераклигини билишади.

Бу — жуда ёш жамоа. Йил охиридаги каби пасайиш даврлари бўлиши мумкин. Биз кейинги ўйин ҳақида ўйлашимиз ва ўз имкониятларимизга ишонишимиз керак», — дея германиялик мутахассиснинг сўзларини келтиради Marca.