Уэйн Ҳеннесси «Ноттингҳэм Форест»га қайтди.

«Ўрмончилар» бош мураббийи Нуно Эшпириту Сантунинг айтишича, 37 ёшли дарвозабон клуб билан мавсум охиригача шартнома имзолади. 

Уэлслик посбон 2022 йилдан 2024 йилгача «Ноттингҳэм»да ўйнаган, шундан сўнг эркин агент сифатида жамоани тарк этганди. 

«Афсуски, Уэйн ўтган мавсум охирида жиддий жароҳат олди, бу клубдаги барча учун қийин давр эди. Аммо у тузалди ва ҳозир жамоанинг муҳим қисми, айниқса, дарвозабонларнинг кичик гуруҳида.

У шартнома имзолади ва мен унинг ёнида эканлигимдан хурсандман. Унинг билими, тажрибаси, ишга ёндашуви, биз билан бирга эканлиги жуда ажойиб», — деди португалиялик мутахассис клуб расмий сайтига.