Гави «Реал» президентига жароҳат олганида қўллаб-қувватлагани учун миннатдорчилик билдирди.

Diario Sport хабарига кўра, «Барселона» «Реал»ни 5:2 ҳисобида мағлуб этган Испания Суперкубоги финалидан сўнг каталонияликлар яримҳимоячиси Флорентино Перес билан гаплашган. 

«Жароҳатланганимда менга юборган мактубингиз учун сизга раҳмат айтмоқчиман», — деган Гави. 

Эслатиб ўтамиз, 2023 йилнинг ноябрида 20 ёшли испаннинг тизза хочсимон боғламлари узилиб кетганди. Ўшанда мадридликлар президенти Перес футболчига қўллаб-қувватловчи хабар йўллаганди.