«Милан» собиқ ўйинчиси Симон Кяер 35 ёшида профессионал футболчилик фаолиятини якунлаганини эълон қилди.

«Ҳозир ҳаётимнинг ушбу босқичини якунлаш учун энг қулай фурсат. Бу қарор ҳақида ўтган йил Европа чемпионати олдидан ўйлагандим. Чемпионатдан сўнг келажакда нималар рўй бериши мумкинлигини кўриш учун сабаблар кўп эди. Ҳеч нарса рўй бермаса, фаолиятимни якунлайман, дегандим», — деди Кяер TV2 телеканалига берган интервюсида.

Маълумот учун, Симон Кяернинг фаолиятидаги сўнгги клуб «Милан» бўлди. У жамоани ўтган ёзда тарк этганди. У миланликлар сафида 2021/2022 йилги мавсумда Италия чемпиони бўлганди.

Шунингдек, Кяер «Аталанта», «Севиля», «Фенербахче», «Лилл», «Рома», «Волфсбург», «Палермо» ва «Мидтъюлланн» жамоаларида ҳам тўп сурган.