«Манчестер Сити» бош мураббийи Пеп Гвардиола жамоанинг сўнгги натижалари ҳақида фикрини билдирди.

«Шаҳарликлар» октябрдан буён илк марта кетма-кет учта ўйинда ғалаба қозонди. Эртага, 14 январ оқшомида «Манчестер Сити» АПЛ доирасида «Брентфорд»га қарши майдонга тушади.

«Бунгача биттаям ғалаба қозона олмаётгандик, кетма-кет учта ғалабадан кейин кайфият яхшиланди. Жамоанинг кайфияти яхши экани эса босимдан халос қилади. Аммо тан олиш керак, охирги ғалабада Премьер-лига билан Англиянинг 4-лигаси даражаси яққол билинди. Фарқ катта эди. Аслида қандай ҳолатда эканимизни тушуниш учун эса вақт керак.

Муҳими жамоадаги кайфият яхшиланди. Эртага бизни жуда қийин ўйин кутмоқда. Сўнгги мавсумларда содир бўлган воқеаларни ҳисобга олсак, «Брентфорд» доим бизга катта муаммолар туғдиради. Томас Франк бу жамоа билан анча вақтдан буён ишламоқда» – дейди «Манчестер Сити» бош мураббийи.

Маълумот учун, «Ман Сити» АПЛда 20 ўйиндан кейин 34 очко билан 6-ўринда бормоқда.