«Реал» бош мураббийи Карло Анчелотти Испания Суперкубоги финалида «Барселона»дан (2:5) учралган мағлубиятдан сўнг ўз фикрларини билдирди. 

«Ҳақиқатга юз тутишимиз керак. Биз ёмон ҳимояландик, рақиб осонликча гол урди. Жамоа сифатида ҳам, индивидуал томонлама ҳам ёмон ўйнадик. Бу бизни хафа қилади.

Лукас ва Чуаменининг ўйини? Ҳеч кимни алоҳида ажратиб кўрсатишни истамасдим. Биз ҳимояда ёмон ўйнадик. Жамоага компактлик етишмади. Яхшироқ ҳимояланишимиз керак.

Биринчи дақиқадан охирги дақиқагача ҳаммаси ёмон ўтди. Кўпчиликда қолдик, лекин ҳеч нарса ярата олмадик. Бутун ўйиндан хафа бўлдим.

Четлатишдан кейин яна ғалаба қозониш учун ҳаракат қилишимиз мумкиндек туюлди. Мен бошқа ҳеч нарса ҳақида ўйламагандим.

Бу ўйинда яхши ҳимояланиш муҳим эди. Ёмон ҳимояландик ва «Барселона» ғалаба қозонишга ҳақли эди. Улар биздан яхшироқ эди», — дея италиялик мутахассиснинг сўзларини келтиради AS.