«Манчестер Юнайтед» бош мураббийи Рубен Аморим Англия Кубоги 1/32 финалидан ўрин олган «Арсенал»га (1:1, пен — 5:3) қарши ўйиндан сўнг ўз фикрлари билан ўртоқлашди. 

«Яхшиямки, футболчилар ўйинда қолишди, улар курашишди. Баъзида ўйиндан олдин тактика ҳақида эмас, балки шу ҳақда гаплашамиз. Нима бўлишидан қатъи назар, қандай вазиятга дуч келмайлик, курашишимиз керак. «Арсенал» мағлубиятга лойиқ эмасди, лекин биз ғалабага муносиб эдик. Бизнинг ўйинимиз, курашимиз бошиданоқ жуда қийин эди. Тўпга ортиқча эгалик қилмадик, аммо тўпсиз вазиятни назорат қилдик.

Барча мухлисларга раҳмат айтмоқчиман. Бу ақл бовар қилмас эди. Бутун сектор бизни олқишлади, бу биз учун яхши кун эди. Энди футболчиларга дам беришимиз керак, улар жуда чарчаган. Мен аллақачон кейинги ўйин ҳақида ўйлаяпман. 

Баъзида охир-оқибат ҳаммаси яхши бўлади, деган туйғу пайдо бўлади. Буни иккинчи бўлим бошидан, ҳатто пеналтидан кейин ҳам сездим. Менимча, «Арсенал» бугун уларнинг куни эмаслигини ҳис қилди. Тўпсиз ўйинни назорат қилганимиздан жуда мамнунман. Биз яхши ҳимояландик ва стандартларда жуда яхши ишладик. Бу яхши кун эди, энди кейинги ўйин ҳақида қайғураман», — дея португалиялик мутахассиснинг сўзларини келтиради BBC.