Жонатан Лукка — «Пахтакор» футболчиси
«Пахтакор» ўз сафига бразилиялик футболчини қўшиб олди.
30 ёшли таянч яримҳимоячиси Жонатан Лукка «шерлар» билан бир йиллик шартнома имзолади.
«Раисимиз Жаҳонгир Ортиқхўжаев ҳомийлигида сафимизга тажрибали футболчиларни жалб қилишда давом этяпмиз. Айтиб ўтганимиздек, энди навбат легионерларга.
Жонатан Педру Морейра билан ишлаган. Шунинг учун бош мураббий унинг хизматидан фойдаланишга қарор қилди. Мақсад — у орқали таркибдаги аксар ёш футболчиларга майдонда билим бериш. Бугунги ўртоқлик ўйини ҳам «Пахтакор» тўғри йўлда эканлигини кўрсатди деб ўйлайман», — дейди клуб раиси ўринбосари Дилшод Каримов.
Лукка «Атлетико Паранаэнсе», «Гоа», «Фаренсе», «AVS» каби клубларда ҳаракат қилган. У Португалия юқори дивизионида 67 та ўйин ўтказган.
Турнир жадваллари
Team
W D L Pts
Сўнгги янгиликлар
Долзарб хабарлар