«Барселона» ҳужумчиси Роберт Левандовски Испания Суперкубоги финалидан олдин фикрлари билан ўртоқлашди.

«Финални интизорлик билан кутяпман. Бу курашларга бой яхши ўйин бўлади. Энг яхши ўйинимизни кўрсатишга интиламиз, чунки бундай ўйинлар алоҳида аҳамиятга эга. Суперкубок финали – совринни қўлга киритиш учун биринчи имконият. Биз уни ютишни хоҳлаймиз.

«Реал»да ажойиб футболчилар бор. У ерда жуда кучли ўйинчилар тўпланган. «Реал» баъзан ўйинни назорат қилмаётгандек кўринади, аммо ўз имкониятини кутади. Бунга тайёр туришимиз керак.

Ўз ўйинимизни кўрсатсак ва рақибга кўп имконият бермасликка ҳаракат қилсак, ғалаба қозонишимиз ва майдондаги энг яхши жамоага айланишимиз мумкин», – дейди «Барселона» ҳужумчиси.

Маълумот учун, Испания Суперкубоги доирасидаги Эл-Класико Саудия Арабистонида ўтказилади. Учрашув эртага, 12 январ оқшомида бўлиб ўтади.