«Ливерпул» бош мураббийи Арне Слот Англия Лига Кубоги яримфинали доирасида «Тоттенҳэм»га (1:0) қарши биринчи ўйиндан сўнг ўз фикрларини билдирди. 

«Ҳакамнинг қарори бугунги ўйин натижасига катта таъсир кўрсатди. Бу ҳақда кўп гапира олмайман.

Тўртинчи ҳакам менга буни иккинчи сариқ карточка деб ҳисобламаслигини айтди, эҳтимол, буни ҳакамдан эшитгандир. У менга қўполлик бизнинг қарши ҳужумимизни тўхтатмаганини айтди, аммо ҳар қандай мураббий жарима зарбасидан кўра рақибга иккинчи сариқ карточка кўрсатилишини афзал кўришини айтиши мумкин. 

Биз ютқазишни ёмон кўрамиз, лекин ижобий томони шундаки, жавоб ўйини бўлганда мағлубиятни тўғриласа бўлади. Бу ҳар икки жамоа ҳам юқори прессинг қилишни истаган ўйин эди. Менга бугунги ўйинимиз якшанба кунгидан кўра кўпроқ ёқди, аммо бутунлай бошқача бўлди. 

Бугун, албатта, натижага эришиш учун етарлича яхши ўйнадик. Мағлубиятга лойиқ эмасдик», — дея нидерландиялик мутахассиснинг сўзларини келтиради ВВС.