Войцех Шесни «Атлетик»ка қарши ўйинда Иняки Пеня кеч келгани асосий таркибда майдонга тушди. 

«Барселона» Испания Суперкубоги яримфиналида «Атлетик»ни (2:0) мағлуб этди. Полшалик посбон ўйинни асосий таркибда бошлади.

Маrca хабарига кўра, Ҳанси Фликнинг бундай қарорига Иняки Пена жамоанинг эрталабки машғулотига кеч қолгани сабаб бўлган. 

Испаниялик дарвозабон бош мураббийга тақвим бўйича хатога йўл қўйгани ва тасодифан ухлаб қолганини тушунтирди. Бироқ тартиб-интизомда бўшашишга йўл қўймайдиган немис мутахассиси Пеняга асосий таркибдан жой бермади. 

Шу тариқа Шесни «Барселона» учун иккинчи ўйинини ўтказди ва бу сафар ҳам тўп ўтказмади. У аввалроқ Испания Кубоги доирасида «Барбастро»га (4:0) қарши беллашувда дебют қилганди.