Амад Диалло «Манчестер Юнайтед» билан шартномасини узайтирди. 

Ивуарлик 22 ёшли вингер билан янги келишув 2030 йилгача мўлжалланган.

2021 йилда манкунианликлар сафига келиб қўшилган футболчи ҳозиргача 50 та ўйинда майдонга тушиб, 9 та гол урган.

«Янги шартнома имзолаганимдан фахрланаман. Мен аллақачон бу клубда ажойиб дамларни бошдан кечирдим, лекин олдинда ҳали кўп лаҳзалар бор. Менинг амбицияларим жуда катта, «Манчестер Юнайтед»да тарих ёзмоқчиман», — дейди Диалло.