Англия Лига Кубоги иккинчи яримфиналида «Тоттенҳэм» ўз майдонида «Ливерпул»ни қабул қилиб, Бергваллнинг сўнгги дақиқалардаги голи эвазига ғалаба қозонди. 

Шу тариқа мерсисайдликларнинг 24 ўйинлик мағлубиятсиз серияси барҳам топди. Слот жамоаси бу мавсумда фақат бир марта — сентябр ойида «Ноттингҳэм Форест»га (0:1) ютқазганди. 

Жавоб беллашуви 6 феврал куни «Энфилд»да бўлиб ўтади. 

Эслатиб ўтамиз, биринчи яримфиналда «Арсенал» ўз майдонида «Нюкасл»га (0:2) имкониятни бой берганди. У жуфтликда жавоб ўйини 5 феврал куни ўтказилади. 

Англия Лига Кубоги. Яримфинал

Биринчи ўйин

Тоттенҳэм — Ливерпул 1:0

8 январ, «Тоттенҳэм Стэдиум»

Гол: Бергвалл (85).

Тоттенҳэм – Кински, Спенс, Дрэгушин, Порро, Грэй, Бергвалл, Бентанкур (Жонсон, 15), Биссума, Кулусевски, Сон (Вернер, 72), Соланке.

Ливерпул – Алиссон, Цимикас, ван Дейк, Куанса (Эндо, 30), Брэдли (Александер-Арнолд, 60), Мак Аллистер (Конате, 80), Гравенберҳ, Жонс, Гакпо (Диас, 60), Салоҳ, Жота (Нунес, 60).

Огоҳлантиришлар: Биссума (32), Бергвалл (68).