Ўзбекистон миллий жамоаси ҳужумчиси Азизбек Амонов фаолиятини «Бунёдкор» клубида давом эттиради.

ПФЛ хабарига кўра, 27 ёшли футболчи «Бунёдкор» билан 2025 йил якунига қадар шартнома имзолаган. Амонов 2024 йилги мавсум якунида «Нефтчи» сафини тарк этиб, эркин агентга айланганди.

Азизбек Амонов ўтган мавсумнинг биринчи даврасини БААнинг «Хорфаккан» клубида ўтказиб, 13 ўйинда 2та гол урганди. Иккинчи даврани эса «Нефтчи» сафида ўтказиб, Суперлигада 12 учрашувда 2та голга муаллифлик қилган.