«Пахтакор» клуби раиси Жаҳонгир Ортиқхўжаев Туркияда жамоа билан учрашди.

«Биз сизларга футбол ўйнашингиз учун барча шароитларни яратиб берамиз. Шунинг учун ҳам Европа ҳавосидан нафас олган мутахассисларни жалб қилдик. Менинг ниятим Ўзбекистон миллий жамоаси ЖЧда иштирок этсин ва «Пахтакор» мухлислари миллий жамоа сафида сизлардан имкон қадар кўпроғингизни таркибда кўриб хурсанд бўлишсин.

2024 йилги мавсумни унутамиз. Биздан мухлислар қандай ҳолатда бўлмайлик чемпионликни кутишади. Бу йилги таркибимизни энг яхшиларидан деб биламан. Ёшларнинг олдига Игор Сергеев ва Ироқ миллий жамоасидан Башарни қўшдик. Алижонов, Собирхўжаев ва Ҳамдамов каби кучли футболчиларимизни сафимизда олиб қолдик», — дея Ортиқхўжаевнинг сўзларини келтиради «Пахтакор» матбуот хизмати.

Хабарда тез орада «Пахтакор» сафи хориждан келадиган янги футболчилар билан тўлиши кутиляпти, дея қўшимча қилинган.