Испания миллий жамоасининг собиқ форварди Давид Виля Ламин Ямални Лионел Мессига таққослаш ҳақида гапирди.

«Ламин ўзига хос ноёб футболчи. Мен кўп бор ўйинчиларни Месси билан солиштириш хато эканлигини айтганман. Бу ҳар қандай футболчига тегишли, хоҳ у Ямал, хоҳ Ҳоланд, хоҳ Мбаппе бўлсин.

Ямални Месси билан таққослаб бўлмайди, чунки у ҳаммадан ажралиб туради. Аммо бу йигитнинг қилаётган ишлари бизни уни олдинда яна нималар қила олиши мумкинлиги билан ўйлантиради», — дея Вилянинг сўзларини келтиради Marca.

Маълумот учун, Transfermarkt порталидаги баҳоси 180 миллион еврога тенг бўлиб турган 17 ёшли «Барселона» вингери жаҳоннинг энг қимматбаҳо футболчиларидан бири ҳисобланади.