Хулен Лопетеги тез орада «Вест Ҳэм»ни тарк этиши мумкин.

Журналистлар Алекс Крук ва Бен Жейкобснинг ёзишича, инглиз клуби бош мураббийини истеъфога чиқаришга тайёр.

Испаниялик мутахассиснинг ўрнига асосий номзод — «Челси» ва «Брайтон»нинг устози Грэм Поттер. «Болғачилар» спорт директори Тим Штейдтеннинг англиялик мутахассис билан суҳбат қураётгани акс этган сурат ҳам тарқалди. 

Шанба куни «Вест Ҳэм» АПЛда «Манчестер Сити»га 1:4 ҳисобида имкониятни бой берди. Лондон клуби 20-турдан кейин 23 очко билан 14-ўринни эгаллаб турибди.