«Тоттенҳэм» клуби Сон Ҳён Мин билан амалдаги шартнома узайтирилганини расман маълум қилди.

32 ёшли кореялик вингер Лондон клуби билан 2026 йилнинг ёзига қадар амал қиладиган шартномани имзолаган.

Сон «Тоттенҳэм» сафига 2015 йилнинг август ойида келиб қўшилганди. У ўтган вақт давомида жамоа сафида 431 ўйин ўтказиб, 169та голга муаллифлик қилди ва бу борада клуб тарихида энг яхши 4-тўпурар бўлиб турибди.