Робби Кин «Ференцварош» бош мураббийига айланди.

«Тоттенҳэм» собиқ ҳужумчиси ва Ирландия миллий жамоаси тарихидаги энг яхши тўпурар аввалроқ Тел-Авивнинг «Маккаби» клубини бошқарган ва ўтган ёзда жамоани тарк этганди.

Кин бугун, 7 январдан Венгрия клубининг Испаниядаги йиғинига қўшилади.

44 ёшли мутахассис «Ференцварош»да нидерландиялик Паскал Янсен ўрнини эгаллади. Клуб ҳозирда Венгрия чемпионатида 2-ўринни эгаллаб турибди ва бир захира ўйини билан пешқадамдан 1 очко ортда қолмоқда.