«Ювентус» «Манчестер Юнайтед» билан футболчи алмашинувини амалга оширмоқчи.

TalkSPORT хабарига кўра, Турин клуби Душан Влаҳовични Жошуа Зиркзега алмашиш бўйича «МЮ»га таклиф билан чиққан. «Юве» бош мураббийи Тиаго Мотта сербиялик форвард ўрнига «МЮ»да ўйнаётган «Болоня»даги собиқ шогирдини Туринда кўрмоқчи.

Зиркзе 2024 йил ёзида «Болоня»дан «Манчестер Юнайтед»га ўтган эди. У АПЛ доирасида 20 ўйин ўтказиб, 3 та гол урган. 23 ёшли нидерландиялик футболчининг шартномаси 2029 йилгача амал қилади.

Влаҳович эса 2021/22 мавсумдан бери «Ювентус» шарафини ҳимоя қилиб келмоқда. Унинг клуб билан амалдаги шартномаси 2026 йилнинг июнигача мўлжалланган.