Нидерландиялик машҳур собиқ футболчи Патрик Клюйверт Осиёда иш бошлаши кутилмоқда.

Инсайдер ва журналист Фабрицио Романога кўра, Клюйверт Индонезия миллий жамоасини бошқаришга яқин. Томонлар 2 йиллик шартнома бўйича келишувга эришган. Мамлакат футбол раҳбари Эрик Тоҳир 12 январ куни Клюйвертни расман бош мураббий сифатида таништириши кутилмоқда. Унинг олдига Индонезияни ЖЧ-2026га олиб чиқиш вазифаси қўйилади.

Индонезия миллий жамоасини Осиё кубогида илк бор плей-оффга ва ЖЧ ҳал қилувчи саралаш босқичига олиб чиққан жанубий кореялик Шин Тай Ён куни кеча истеъфога чиқарилди. Индонезия футбол ассоциацияси раҳбари Эрик Тоҳир жамоанинг Жанубий-Шарқий Осиё давлатлари иштирокидаги Митцубиши кубогидаги қониқарсиз натижаси сабабли кореялик мутахассисни истеъфога чиқарди.

Маълумот учун, Патрик футболчилик фаолиятидан кейин Нидерландия миллий жамоасида ёрдамчи мураббий сифатида фаолият юритганди. Унинг сўнгги жамоа Туркиянинг «Адана Демирспор» бўлиб, у 2023 йилда жамоадан истеъфога чиқарилганди.