Дани Олмо «Барселона»ни тарк этишни режалаштирмаяпти.

Marca’га кўра, Олмо бошқа жамоага ўтиш ҳақида ўйлаётгани йўқ. У Жоан Лапортага ишонмоқда ва клуб уни рўйхатдан ўтказиш учун қилаётган ҳаракатларини қадрлайди.

Испаниялик футболчига бошқа жамоалардан расмий таклифлар келиб тушмаган, фақат агентлар ва воситачилар орқали норасмий сўровлар бўлган. Бироқ улар футболчини қизиқтирмаяпти. Яримҳимоячи Испания Суперкубогида иштирок этишга умид қилмоқда.

Эслатиб ўтамиз, Ла Лига ва Испания Қироллик футбол федерацияси (RFEF) Дани Олмо ва Пау Викторни рўйхатдан ўтказишни рад этгани ҳақида эълон қилганди. Каталонияликлар бу қарор юзасидан апелляция берган.