«Насаф» футбол клуби тажрибали яримҳимоячи Жавоҳир Сидиқов билан шартномани узайтирди.

«2023 йилда «Насаф»га келиб қўшилган тажрибали футболчи Жавоҳир клуб билан ўртадаги шартномани 2025 йил охиригача узайтирди. Ишонамизки, Жавоҳир билан жамоамиз янги мавсумда ҳам кўплаб совринларни қўлга киритади», - дейилади клуб хабарида.

Маълумот учун, 28 ёшли футболчи 2024 йилги мавсум Суперлигада 22 ўйинда 3та голга муаллифлик қилганди.