Карло Анчелотти «Валенсия»га қарши ўйиндан (2:1) кейин ғалаба ва Винисиуснинг четлатилиши ҳақида гапирди.

«Винисиуснинг вазияти – бу қизил карточка эмас, балки иккита сариқ бўлиши керак деб ўйладик (Винисиус ва дарвозабонга – Tribuna). Бу четлатишга тортмасди. Аммо уни майдондан четлатишди. Кўкка совурилган пеналти ва бекор қилинган голимизга қарамай, жамоа қийин вазиятдан чиқиб кета олди.

Биринчи бўлимда жуда ёмон ўйнадик, иккинчи бўлимда эса анча яхши ҳаракат қилдик.

Винисиуснинг четлатилиши бўйича апелляция беришни режалаштиряпмиз. Уни қабул қилишадими, йўқми, билмайман. Қизил карточка эмасди бу. Ҳақли ғалабага эришдик, чунки биринчи бўлимда тўп назоратисиз ўйнадик, иккинчи бўлим эса барча қийинчиликларга қарамай, жуда яхши ўтди. Барчаси ҳақли бўлди, деб ўйлайман.

Винисиуснинг ҳаракатидан аввал дарвозабоннинг ҳаракати, сўнгра Винининг ҳаракатини кўрдик. Бу ҳолат икки ўйинчига ҳам сариқ билан якунланиши керак эди», — дейди «Реал» бош мураббийи.