Бернарду Силванинг фикрича, «Манчестер Сити» чемпионлик учун курашдан чиқиб кетди.

«Шаҳарликлар» 19-турдан кейин 31 очко жамғарган ҳолда Премер-лига турнир жадвалида 6-ўринда боришмоқда. Пешқадам «Ливерпул» бир захира ўйини билан улардан 14 очко олдинда. 

«Ҳозир гап ҳақиқат билан муросага келиш ҳақида. Мен «Ливерпул»га қарамаяпман, лигада 6-ўриндамиз. «Ливерпул»га, «Арсенал»га ёки бошқасига қарай олмаймиз. Ҳозир 3 очко олиш ва учинчи ёки тўртинчи ўринларга кўтарилиш учун кейинги ўйинни кўриб турибмиз.

10 та тур қолганида, қайси ўринни эгаллашимиз мумкинлигини билиш учун бироз математика ишлатамиз.

Футболда имконсиз нарса йўқ, лекин «Сити» чемпионлик пойгасидан чиқиб кетгани аниқ. Бунга ҳеч қандай шубҳа йўқ. Биз учун жуда кеч.

Одамлар ҳар доим январ ойида лигада ғолиб бўлиш мумкинмаслигини айтишади, лекин уни йўқотишингиз мумкин. Ва бу мавсумдаги ҳақиқат шундаки, биз чемпионликни йўқотдик», — деди «Манчестер Сити» яримҳимоячиси Sky Sports эфирида.