Пеп Гвардиола Кевин де Брюйненинг «Манчестер Сити»даги келажаги ҳақида гапирди.

Белгиялик 33 ёшли яримҳимоячининг «Сити» билан амалдаги шартномаси ёзгача мўлжалланган.

«Ҳаммаси клубга боғлиқ. Бу менинг ишим эмас. Гап унинг мавсумнинг қолган қисмида қандай ишлаши, ёши ва бошқа нарсалар ҳақида кетмоқда. Жамоа бу ҳақда ўйлаб кўриши керак», — дея Пепнинг сўзлари келтиради Фабрицио Романо.

Олдинроқ де Брюйнега «Фенербаҳче», Саудия Арабистони ва МЛС клублари қизиқиш билдираётгани айтилганди.

Де Брюйне бу мавсум АПЛда 12 та ўйинда майдонга тушиб, 2 тадан гол ва ассист қайд этди.