«Барселона» ҳужумчиси Ламин Ямал жароҳатидан сўнг умумий гуруҳда машғулотларни бошлади. Бу ҳақда клуб расмий сайти хабар берган.

Ямал 15 декабр куни Ла Лиганинг 17-турида «Леганес»га қарши ўйинда ўнг оёқ тўпиғидан жароҳат олганди. У тикланиш жараёнини якунлаб, сафга қайтган.

Испаниялик ҳужумчи 8 январ куни Саудия Арабистонида бўлиб ўтадиган Испания Суперкубоги яримфиналида майдонга тушиши кутилмоқда.

Маълумот учун, 17 ёшли Ямал жорий мавсум «Барселона»да жами 21 ўйин ўтказиб, 6 та гол урган ва 11 та голли узатмани амалга оширган.