«Рома» ҳужумчиси Элдор Шомуродов мавсумнинг иккинчи қисмини бошқа жамоа сафида ўтказиши кутилмоқда.

La Gazzetta dello Sport хабарига кўра, Италия А Серияси аутсайдерларидан бири «Венеция» ўзбекистонлик ҳужумчини ўз сафига қўшиб олмоқчи. Эусебио Ди Франческо мураббийлигидаги жамоа А Сериядаги ўрнини сақлаб қолиш учун ҳужум чизиғини Элдор Шомуродов билан кучайтиришни кўзламоқда. Венецияликлар Рим клуби Элдорни ярим йилга ижарага беришига умид қилмоқда.

Аввалроқ, Шомуродовни ижарага олиш бўйича «Эмполи» клуби ҳам таклиф тайёрлаётгани ҳақида хабарлар тарқалганди.