Мадриднинг «Реал» клуби «Ливерпул» ҳимоячиси Трент Александер-Арнолднинг трансфери бўйича янги таклиф тайёрламоқда.

The Times хабарига кўра, «Қироллик клуби» 26 ёшли ҳимоячи учун «Ливерпул»га 20 млн фунт (26 млн евро) таклиф қилишга тайёр. Александер-Арнолднинг шартномаси келаётган ёзда якунланади.

Аввалроқ, «Ливерпул» раҳбарияти «Реал»га ҳимоячини сотиш нияти йўқлигини маълум қилгани ҳақида хабарлар тарқалган эди.

Маълумот ўрнида, Трент жорий мавсумда 23 ўйинда иштирок этган, битта гол ва 5 та ассист амалга оширган. Transfermarkt маълумотларига кўра, унинг трансфер қиймати 75 млн еврога тенг.