Карло Анчелотти Ла Лигадаги асосий рақибларнинг чемпионлик имкониятлари ҳақида фикр билдирди.

Айни пайтда турнир жадвалида «Атлетико» пешқадам – 18 ўйинда 41 очко. «Реал» 18 ўйинда 40 очко билан иккинчи ўринда, «Барселона» эса 19 ўйинда 38 очко билан учинчи ўринда бормоқда.

– Ла Лигадаги асосий рақибингиз сифатида «Атлетико» ёки «Барселона»ни кўряпсизми?

– Бу икки жамоа биз учун бир хил даражадаги рақиблар. Ноябр ойида «Реал»да бўлган ҳолат декабрда «Барселона»да содир бўлди. 

Ҳар қандай жамоада пасайиш бўлиши мумкин, аммо кейин сиз яна курашга қайтасиз.

«Барселона» ва «Атлетико» Ла Лигани ютиш учун биз билан тенг имкониятга эга», – деди «Реал» бош мураббийи Карло Анчелотти.