«Плимут» клуби ва бош мураббий Уэйн Руни ўзаро келишув асосида ҳамкорликни тўхтатишга қарор қилди.

«Плимут» Чемпионшипда охирги ўринда бўлиб, жамоа кетма-кет 9 ўйинда ғалаба қозонмади.

«Плимут» футбол клуби директорлар кенгашига, айниқса Саймон Халлетт ва Нил Дьюснипга ўз миннатдорчилигимни билдирмоқчиман. Улар билан ажойиб муносабатдамиз.

Шунингдек, клубда мени илиқ кутиб олган ва биргаликда ишлаган барча ходимларга, шунингдек, мен бош мураббий бўлиб ишлаган давримда қўллаб-қувватлаган ўйинчилар ва мухлисларга ташаккур айтаман

«Ҳоум Парк»даги ўйинларни ўзгача ва ёрқин хотираларга бой қилган «Яшил армия»га алоҳида миннатдорлик билдирмоқчиман. Бу хотиралар абадий хотирамда қолади», - дейди Руни.

Маълумот учун, «Эвертон», «МЮ» ва Англия миллий жамоасининг собиқ ҳужумчиси 2024 йил май ойидан бери иккинчи дивизион клубида мураббийлик қилаётганди. Бунгача у «Дерби Каунти», «Ди Си Юнайтед» ва «Бирмингем» жамоаларини ҳам бошқарган.