«Манчестер Юнайтед» бош мураббийи Рубен Аморим АПЛ 19-туридан ўрин олган «Нюкасл» (0:2) билан ўйиндан кейин ўз фикрларини билдирди. 

«Яна биринчи бўлиб гол ўтказиб юбордик. Бундай вазиятларда сиз ҳақиқатан ҳам ўйинга қайтишингиз керак. Ҳаракат қилдик, лекин бундай дақиқаларни енгиб ўтиш учун ўйин услубимиз пойдеворига эга эмасмиз.

Рақиб яхшироқ эди. Улар ўйинни назорат қилишди. Улар ҳамма нарсани жамоа бўлиб амалга оширишди. Футболчиларимиз кўпроқ индивидуал ҳаракат қилишга уринишди. Аммо улар ҳаракат қилишяпти. 

33-дақиқада Зиркзени Майнуга алмаштирганим? Агар мен натижани ўзгартириш учун нимадир қила оламан деб ўйласам, буни қиламан. Айтганимдек, бирор нарсани ўзгартириш учун қиладиган меҳнатимдан кўра кўпроқ футболчиларнинг ишончи эвазига натижага эриша оламиз. 

Айни пайтда бизда ҳеч қандай машғулотлар ёки пойдевор йўқ. Қийин дақиқаларни бошдан кечираётганингизда, пойдевор керак. Рақиб биздан яхшироқ ўйнади, бу ерда бошқа гап йўқ», — дея португалиялик мутахассиснинг сўзларини келтиради NBC Sports.