Паулу Фонсека «Милан» бош мураббийи лавозимини тарк этади.

Португалиялик мутахассис А Сериянинг 18-туридан ўрин олган «Рома» билан дурангдан (1:1) кейинги матбуот анжуманида раҳбарият унга истеъфо ҳақида хабар берганини тасдиқлади.

«Тўғри, мен «Милан»ни тарк этяпман. Бу — ҳаёт. Виждоним тоза, чунки қўлимдан келганини қилдим», — деди 2024 йилнинг июнида тайинланган Фонсека.

Журналист Жанлука Ди Марционинг хабар беришича, 30 декабрдан «россонери»ни «Порту» собиқ устози Сержиу Консейсау бошқаради.

Италия чемпионатининг 18-туридан кейин «Милан» 8-ўринда бормоқда. Жамоа пешқадамлар — «Аталанта» ва «Наполи»дан 14 очкога ортда қолмоқда.