Федерико Кьеза «Ливерпул»ни тарк этмоқчи.

Foot Mercato журналисти Валентин Фаетте хабарига кўра, ҳужумчи Италияга қайтишни афзал кўради. 

Айни вақтида 27 ёшли футболчи учун ижара варианти кўриб чиқилмоқда. Унга «Наполи» ва «Интер» клублари қизиқиш билдирмоқда. «Фиорентина» ҳам вазиятни кузатиб бормоқда.

Кьеза ўтган ёзда «Ювентус»дан 13 миллион евро эвазига «Ливерпул»га ўтганди. Унинг шартномаси 2028 йилгача мўлжалланган.

Ҳужумкор футболчи Премер-лиганинг ушбу мавсумида атиги 1 та ўйин ўтказди.