Италия чемпионатининг 18-турида «Ювентус» ўз майдонида «Фиорентина»ни қабул қилиб, сўнгги дақиқаларда ғалабани бой берди. Мезбонлардан Кефрен Тюрам дублга эришган бўлса, меҳмонлардан Мойзе Кен собиқ жамоаси дарвозасини ишғол этди. Охирги гол эса Рикардо Соттил ҳисобига ёзилди. 

Дурангдан сўнг иккала жамоа ҳисобидаги очколар ҳам 32 тага етди. Тўплар нисбатига кўра Флоренция клуби 5-ўринга, Мотта жамоаси 6-поғонага жойлашган. 

А Серия. 18-тур

Ювентус — Фиорентина 2:2

29 декабр, «Алянц Стэдиум»

Голлар: Тюрам (20, 48) — Кен (38), Соттил (87).

Ювентус – Ди Грегорио, Калулу, Гатти (Фажоли, 89), Маккенни (Камбиязо, 62), Савона, Тюрам (Дуглас Луис, 89), Локателли, Мбангула (Йилдиз, 63), Копмейнерс, Консейсау, Влахович (Гонсалес, 82).

Фиорентина – Де Хеа, Паризи (Гозенс, 75), Раниери, Комуццо, Додо, Адли (Ричардсон, 75), Каталди (Мандрагора, 65), Соттил, Гудмундссон (Белтран, 59), Колпани (Иконе, 75), Кен.

Огоҳлантиришлар: Маккенни (59), Калулу (69), Локателли (77), Комуццо (85), Палладино (90+2).